[十三週] 踏入中孕期

首先祝大家聖誕快樂，各位媽媽同BB都健健康康

順利踏入中孕期，寶寶的器官、神經、肌肉都已發育形成，並開始協同運作了。
流產風險較低，可以正式向外宣佈
其實自從躇入十一週，已有不少朋友知道我懷有身子，
有次搭地鐵，更加有人讓座
主要是因為我個子小，但肚大大，不附合比例。
很容易就被人發現

聖誕節，趁 JUSCO 九折優惠就去入貨
以前去JUSCO，買得多是我最愛的薯片、壽司等 (嗚嗚......)
而家通通禁食，只買最健康的食物 (好耐未試過)

這星期過得很輕鬆，功課交完、實習放假一星期
終於可以鬆口氣
不少人問，妳未讀完書，生完點算呀
可幸的是馬馬出世月份是七月，剛好暑假
還可以抖多兩個月再開學
不過都係到時再算...

[十二週四] 產前檢查@ QE

這星期開始愈來愈少妊娠反應，開始有返少少胃口食野
但就擔心馬馬 係肚入面既情況，究竟有無長大到呢?
QE 上星期安排了唐氏及結構期檢查
21/12/2013 照唐氏
由11:30am 等到差不多 1:00pm，姑娘表示因食飯時間快到，
要先抽血，再照唐氏

入到去，有兩位姑娘，幾好人
終於見到馬馬，姑娘解釋呢個係頭，呢個係手仔，呢個係小腿等。
見到馬馬隻手郁郁下，好得意
開頭馬馬唔多合作，頭側左，姑娘度唔到頸皮
姑娘就不斷摸個肚，叫馬馬轉身
跟住要我試下咳幾聲，都唔得
再轉身咳幾聲，我暗暗祈禱，求天父俾馬馬 可以訓既姿勢好少少，
俾姑娘度到頸皮，結果前後用了十五分鐘，
姑娘講左句"個姿勢終於PERFECT"
姑娘表示一切正常
頸皮: 2.2 mm
長度: 6.1 cm

姑娘表示頸皮低過3mm 就正常
但我好多朋友都低過2mm
所以都有點擔心，希望無事啦。

[七週] 第一次產前檢查

當知道自己懷孕到第一次產檢
這條路是非常漫長的
當時知道自己懷孕只是四週，太早驗一定未能聽到心跳
又不想第一次產檢就將金錢白白浪費
幸好BOOK 私家醫生最快都要等到我七週幾知有得睇
所以就乖乖地等
等到19/11/2013 下午到孫醫生診所產檢
姑娘已一早講家要等起碼兩小時
差不多七點幾先有得睇
可以等埋老公放工

BB 心跳: 152
長度：1.42cm

第一次與馬馬見面，感覺好興奮
當初最擔心的係照唔到閃閃，好多人話要過左八週先照得
而家照到閃閃，醫生話心跳正常，成個人安樂哂
好似朋友講，原來一個BB出世係需要奇蹟
照完馬馬就同老公安安樂樂食個上海大餐。

我懷孕了

預祝各位聖誕快樂
在此宣佈，我懷孕了
感謝天父保守和帶領
讓我和丈夫有機會步入人生另一個鄐的階段




















2013年10月24日下午發現的
急不及待告知父母︿又打給老公報喜
報喜時，因為他正見個案，所以以非常極至冷靜的態度回應
嘻嘻~~

因始終都對第一次驗孕半信半疑
故此兩日後用晨尿再驗多次
同樣是BINGO
原本已安排去健康院，但等結果時間要差不多一個星期
故安排下星期找私家醫生寫轉介信去QE排期

排山倒海

實習已步入第七週

功課量可以排山倒海形容

星期四仍要返學校上堂

不少朋友見到我，就會講：「妳咁忙，但個樣仲好精神喎。」

其實我就算通頂，個樣都一樣

不過真係好累好累

未來的日子會更忙

最近我家雀雀喜歡到垃圾桶玩耍

好可愛 ^3^

開始忙碌

實習開始了差不多一個月

能夠有機會學習哀傷輔導

機構服務性質都是我很喜歡的

生活雖然忙忙忙，但我仍然很滿足和享受

因為有好好的同事，有愛我的家人，有可愛的雀雀

每次返到娘家，看見他們活潑的叫、跳躍

都可以令暫時我忘記工作及功課的壓力



實習時面對很多個案，人生難免會遇到缺失

這更提醒我

我擁有的一切都要感恩、都要珍惜

開始實習

為期半年的實習終於開始

感恩可以到哀傷輔導機構實習

聽聞中心主任是不會隨便收實習學生

實習學生是需要經過老師嚴謹的挑選

所以我要努力做好今次實習

最忙碌的奠過於交千千萬萬的賓習功課。

實習前的星期天，相約友人去HIGH TEA





不錯的環境

Tea Saloon
80-82 Peel St Mid levels

努力搬BLOG

自從被 YAHOO BLOG  通知將要關閉

一直都沒有的起心肝搬BLOG

一來返學後，很少時間在家寫BLOG

二來懶惰.....

今早返完崇拜，回到家中，終於的起心肝搬BLOG

用了些時間研究如何設計

眼見BLOG 友們都設計得很美

而我仍在努力研究中......

希望新的BLOG 可以同大家繼續分享生活的點滴~

Le Creuset 無水蒸排骨

自從上了鬼嫁網頁後，對 Le Creuset 興趣大增

因此也增添煮食的樂趣，亦有一班敗婦研究菜式交流心得

令我在這段趕交PAPER 的日子  增添份安慰及樂趣

早前因PRESENT 及 PAPER，加上忙碌的工作  險些虛脫 
早前谷友放售BUFFET 26，可以盡情無水蒸

隻色好靚，係香港好難買到

排骨再上南瓜、豆卜這配搭，老公激讚

很入味，加添我煮食的信心

上星期在日本AMAZON 又買了 LE CREUSET 可以整煲仔飯，希望下星期順利到達，YEAH!

兩週年結婚紀念

話咁快就結左婚兩年

但每日仍在甜蜜生活裡

成日都會撒嬌

嘻...這是我們幸福生活的部份

由於我們的結婚週年同情人節只差兩日

所以會夾埋慶祝

亦由於情人節當日差不多所有餐廳都只推出情人節晚餐

我這個師奶不會選情人節當日慶祝

結果我們結婚週年當晚就去了 MUNCH 西餐廳慶祝

當日是年初三 下午BOOK 都有位當日是年初三 下午BOOK 都有位

先黎包包 (牛油好滑)

鮮蠔濃湯，好濃味，味道不錯

意大利薯粉伴蝦球

食完都好飽

澳洲羊架伴牛肝

羊架要超讚

我們叫了六成熟，好淋，好好味

最後點了甜品

埋單兩位七百幾

士多啤梨拿破倫伴朱古力雪糕

地址 : 尖沙咀諾士佛臺1號1樓

電話 : 2317 7887