返到病房，姑娘會先幫手照顧馬馬，我就立即休息訓覺
訓訓下，姑娘就將馬馬推黎床邊，叫我嘗試俾馬馬扒係我心口
再俾佢啜下乳頭，毫無經驗的我完全唔知點餵人奶
面對多一個生命，開始時個感覺都幾奇怪
覺得佢又陌生，但事實又係自己親生
中午時間，媽媽同老公都過左黎探我，
媽媽仲係我住院期間，日日煲湯過黎，好感動
而我就要學習照顧馬馬
公立醫院係要自己一手一腳攪掂
係半夜時間，姑娘聽到馬馬大喊好一段時間先會推走佢俾我休息
早上六點幾又會推返黎我床邊
由於醫院係唔會隨便補奶粉，我嘗試俾馬馬啜乳頭
希望可以快D上奶，又用手擠，但都係得一滴，兩滴
試過馬馬太肚餓，啜到佢成口血(但佢都照啜)，我個乳頭損左
姑娘先開始俾奶粉，馬馬係好大力。
探病時間都好多人黎，可惜每次只可以有兩個人探
個個都話我竟然生到七磅既囡，
因為照超聲波一路都話佢係細碼
六月初照個陣仲要未夠五磅
估唔到最後一個月追返磅數
我同馬馬住左三日兩夜就出院啦
三日兩夜可以講得係訓練營
完全唔識湊BB，到要自己學抱佢、餵奶、掃風、換片等
但個身體仲好弱，會陰傷口又痛又唔夠休息
其實都幾辛苦
沒有留言:
張貼留言